الموضوع منقول من منتدى اللعبة
بسم الله الرحمن الرحيم
السلام عليكم ورحمه الله وبركاته
طبعا الكثير يسأل عن الخبره وحبيت اجيب لكم موضوع من شرح الاعب الكبير رامي امام
ارسل لي المعلومات بصراحه مفيده جدا اشكره وضح لنا اشياء كثيره جزاه الله الف خير
أول حاجه: ايه هي فايدة الخبرة أصلا ؟ و هل الاهتمام بالمهارات أهم , ولا لعب مباريات و أخذ الخبرة أهم ؟
الخبرة بتخليك تستفيد أكبر استفاده ممكنه من المهارات بتاعتك , بمعنى ان لو(مثلا) لاعب عنده 100 مهاره استخلاص و خبرته متواضع , هيكون ادائه أقل من لاعب استخلاصه 60 و خبرته جيد جدا !
وبالتالي الناس اللي بتهتم بالتدريب بس و مش بتشارك في مباريات خالص, ده بينعكس على ادائها في المباريات اول ما بتبتدي تلعب , انها ممكن تلاقي لاعيب منافس مهاراته نص مهاراتك , و انت مش عارف تعدي منه مثلا ! على طول تروح تشوف الخبره بتاعته و بتاعتك و انته تفهم السبب .
طيب هل ممكن اني مشاركش مع الفريق خالص و اكتفي باللعب مع المنتخبات واكسب خبره كبيره منها و كمان عشان معدل التدريب مش يقل؟
لأ مش ممكن وده خطأ شائع عند بعض اللعيبة ,لأن ماتشات المنتخبات دي بتدي نسبة مئويه من الخبره الفعلية اللي عندك اصلا !
فانت لو خبرتك صفر و لعبت 1000 مباراة مع المنتخب هتفضل صفر.
طيب امال ازود خبرتي ازاي ؟ و هل كل المباريات بتدي نفس مستوى الخبره ؟
هقولك تزود خبرتك ازاي , بس الاول لازم تعرف ان في 10 مستويات خبره (من متواضع ل عالمي)
كل مستوى من دول عشان تعديه وتوصل للي أعلى منه, بيستلزم منك انك توصل لعدد معين من نقاط الخبرة
فا عشان توصل:
• من متواضع لسئ جدا محتاج 11 نقطة خبرة كاملين
• من سيئ جدا لسئ محتاج 20 نقطة خبرة تانيين (اجمالي نقاطك يكون 31 نقطة)
• من سئ ل منخفض محتاج 30 نقطة خبرة تانيين (اجمالي نقاطك يكون 61 نقطة)
• من منخفض ل مقبول محتاج 40 نقطة خبرة تانيين (اجمالي نقاطك يكون 101 نقطة)
• من مقبول ل جيد محتاج 40 نقطة خبرة تانيين (اجمالي نقاطك يكون 141 نقطة)
• من جيد ل جيد جداَ محتاج 54 نقطة خبرة تانيين (اجمالي نقاطك يكون 195 نقطة)
• من جيد جداَ ل ممتاز محتاج 70 نقطة خبرة تانيين (اجمالي نقاطك يكون 265 نقطة)
• من ممتاز ل رائع محتاج 80 نقطة خبرة تانيين (اجمالي نقاطك يكون 345 نقطة)
• من رائع ل عالمي محتاج 90 او 100 نقطة خبرة تانيين (اجمالي نقاطك يكون 445 نقطة)
أما عن نقاط الخبرة فدي بيكون اكتسابها في المشاركة في المباريات كالتالي :
• مباريات دوري الشباب: نصف نفطة خبره و لازم تلعب على الاقل 60 دقيقة.
• مباريات الفريق الاول الودية : ربع نقطة خبرة و يكفي الاشتراك في دقيقة واحده فقط لأخذها.
• مباريات الفريق الاول في الدوري او الكأس : نقطة خبره واحده لازم تلعب على الاقل 60 دقيقة.
• مباريات الاندية في البطولات العالمية : من 3 ل5 نقاط خبرة و لازم تلعب 60 دقيقة.
أما عن المشاركة مع المنتخبات سواء مباراة رسميه او ودية:
منتخب تحت 18: بتاخد 10% زياده من مستوى خبرتك الحالي (اخرك نقطتين في الماتش الواحد)
منتخب تحت 21: بتاخد 10% زياده من مستوى خبرتك الحالي(اخرك اربع نقط في الماتش الواحد)
المنتخب الاول : بتاخد 10% زياده من مستوى خبرتك الحالي (اخرك 8 نقاط في الماتش الواحد)
بمعنى انك لو بتحسب نقاط خبرتك و طلع 25 نقطة خبرة و لعبت ماتش مع منتخب 18 , هتزيد نقطتين خبرة.
اما لو عندك 7.5 نقطة خبره و لعبت ماتش مع منتخب 18 , هتزيد 0.75 نقطة خبرة.
ملحوظه هامة:
ان اي مباراة بتلعبها و انت عامل في اوامر المباراه
وفر طاقتك: نعم
بتاخد 25% فقط من الخبره المفترض اكتسابها
مثال : مباراه الدوري بتزودك نقطة خبرة كامله لو شاركت لمدة 60 دقيقه , لكن لو
وفر طاقتك: نعم
هتكسب ربع نقطة خبرة فقط
تحيآآآتي